Urola Kostako Hitza

Garikoitz Mendizabal (Zestoa, 1973) txistulari ezagunak bere lehen bakarkako lana argitaratu berri du, Bihurrikeriak izenekoa. 7 urte zituela hartu zuen lehenengo aldiz Mendizabalek txistua eta orduz geroztik bere bidai laguna izan da. Goi mailako musika ikasketa egin eta hainbatetan Euskal Herriko Txistulari Txapelketa irabazia, gaur egun, Bilboko Txistulari Bandako zuzendaria eta Euskal Herriko Txistulari Elkarteko lehendakaria da Mendizabal.

’Bizitasuna da doinu hauen ezaugarri nagusia. Teknikoki berriz, nota askoko piezak izateagatik bereizten dira, bariazio asko dituzte eta digitazio aldetik zailtasun handia dute. Gainera azkar jo behar izaten dira eta horrek oraindik eta gehiago zailtzen ditu. Hala ere, ezaugarri hauek izanagatik, ez du esan nahi musikaltasunik edota sentikostasunik ez dutenik’ adierazi du Mendizabalek.
Orain arte argitaratu dituen lanekin ez du zerikusirik, ’Orain arte Bilboko Udal Txistulai Bandarekin edota Gazteizkoarekin grabatutako diskak talde lanak izan dira denak eta oraingo lan hau, berriz, formato aldetik aurkitu daiteken sinpleena da. Bi osagai ditu,alde batetik, erritmoa, danbolinarekin markatzen dena eta bestetik, musika txistuarekin lortzen dena’ .